“Цагаан сар-2014” шатрын тэмцээн амжилттай болж өндөрлөлөө

“Цагаан сар-2014” шатрын тэмцээн амжилттай болж өндөрлөлөө

Монголчуудын уламж­лалт оюуны их спорт бо­лох шат­рын спортыг сур­­талчлан дэлгэрүүлэх, хүүхэд залуусын авьяас бил­гийг хөгжүүлж, дэлхийн түвшинд өрсөлдөхүйц шинэ залуу мастеруудыг тө­рүүлэн гаргах зорилготой “Цагаан сар” тэмцээн 2014 оны нэгдүгээр сарын 24-26-ны өдрүүдэд амжилттай зохион байгуулагдаж өндөрлөлөө. 

М-Си-Эс Интернэйшнл ХХК дөрөв дэх жилдээ ивээн тэтгэж, Монгол туур­гатны “Урамтай ша­тар” холбооноос зохион бай­гуул­сан “Цагаан сар-2014” энэ удаагийн тэмцээнд манай шилдэг ша­тарчид, тив дэл­хий, олон улсын томоохон тэмцээнүүдэд амжилттай орол­цон, медаль авсан өс­вөрийн шатарчид гээд 2000-аас дээш чансаатай нийт 70 гаруй та­мирчид швей­царь системээр есөн өрөг тог­лос­ноос ОУ-ын Их Мастер Б.Хатанбаатар тэр­гүүлж, Олон улсын шат­рын хол­боо­ны мастер С.Ган-Од, Н.Төвсанаа, М.Гүнбаяр, ОУ-ын Их мастер Д.Шаравдорж нар удаалсан байна. 

Мөн эмэгтэй ангилалд Спортын мастер Э.Хулан, С.Саран­тунгалаг, Спортын дэд мастер Э.Амаржаргал нар эх­ний гурван байрт, ахмад шатарчдаас ОУШХМ Ч.Хүрэл­баатар, Ж.Лхагваа, ОУМ, Гавьяат тамирчин Л.Мягмар­сүрэн нар, өс­вөрийн эрэгтэй шатарчдаас Ц.Тэнгис, спортын дэд мас­тер Э.Болдоо, С.Ган-Эрдэнэ нар, өсвөрийн эмэг­тэй ша­тарчдаас Спортын дэд мастер ОУШХМ Ү.Үүрийн­туяа, Т.Мөнхзул, Д.Хонгор­зул нар эхний гур­ван байрын эзэд боллоо.

Жил бүр “Монгол туурга­тан айл бүр хоймортоо шат­раа дээдлэн залъя” уриан дор уламжлал болгон зохион бай­гууллагддаг уг тэм­цээнийг анх 1996 онд УИХ-ын гишүүн, Засгийн газрын гишүүн, Дэд бүтцийн сайд агсан С.Зориг МШХ-ны ерөнхийлөгч байх­даа “Их мастер” төслийг хэрэг­жүүлэх анхны алхам болгон са­­наачилж, ОХУ, Ка­закстан, Узбекстан, Украйн, Молдав, Гүрж, Мон­гол гэсэн долоон ор­ны нэртэй шатарчдыг орол­цуулан “Ца­гаан сар-1996” нэртэйгээр амжилттай зохион байгуулж байсан ба тус тэмцээнээс МУГТ Б.Хатанбаатар анхны Олон Улсын Их Мастерын зэрэг авч байжээ. 

Мөн уг тэм­цээнээс Ц.Шарав­дорж, Б.Мөнгөн­туул, Т.Бат­чимэг, Ц.Бат­чулуун зэрэг олон их мастер төрсөн юм.