Б.Энх-Оргилын дараагийн өрсөлдөгч Эльбек Алышов гэж хэн бэ?
"One" холбооны холимог тулааны аварга Б.Энх-Оргилын бүсээ хамгаалах эхний тулааны тов тодорлоо. Тэрбээр ирэх долдугаар сарын 31-ний Баасан гарагт Тайландын Бангкок хотноо Азербайжаны тулаанч Эльбек Алышовтой тулалдана.
Өнгөрсөн тавдугаар сарын 30-нд 27 нас хүрсэн Э.Алышов холимог тулаанд одоогоор 10 дараалан ялаад байна.
Э.Алышов өнгөрсөн жилээс "One" холбооны гишүүн болоод жингийнхээ Филиппиний хоёр гол төлөөлөгчийг дараалан буулган аваад буй.
Харин энэ жилийн анхны тулаанаа шууд аваргын бүсийн төлөө хийхээр болж байна.
Жүдо суурьтай, 167 см өндөр азербайжан эр ОХУ-д бэлтгэлээ базаадаг нэгэн. Мэргэжлийн 10 тулаан хийхдээ наймд нь өрсөлдөгчөө өчиг, боолтоор буулган авсан бол нэг удаа хүнд цохилтоор, нэг удаа шүүгчийн саналаар ялж байжээ. "One" холбоонд ч хоёр тулаан хийхдээ өрсөлдөгчөө өчиж ялсан билээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
