₮1.9 тэрбумын төсөвт өртөгтэй Нарны хорооллыг Алтай хотхонтой холбосон авто зам ашиглалтад оржээ
Баянгол дүүргийн 24, 26 дугаар хороо, Алтай хотхоны уулзвараас ДЭМА эмнэлгийн хойд талаар дайран өнгөрч Нарны гүүрний доогуур тойрч Нарны хороолол хүртэл 680 метр авто зам барихаас өнгөрсөн 2024 онд эхний ээлжийн 380 метр авто замыг бариад буй.
Харин энэ онд үргэлжлүүлэн 330 метр авто замыг барьж дуусган хөдөлгөөнийг нээжээ. Ингэснээр Нарны хорооллоос Алтай хотхон руу шууд нэвтэрдэг болсон байна.
Шинэ авто замын гэрэлтүүлэг, ногоон байгууламжийн тохижилтыг энэ сарын 15-нд бүрэн дуусгах аж.
Нарны гүүрний баруун тал ДЭМА эмнэлгийн хойд талд баригдах авто зам, инженерийн шугам сүлжээг шилжүүлэх, хамгаалах, хүчитгэх, нэвтрэх сувагт оруулах ажлыг нийслэлийн төсвийн ₮1.9 тэрбумаар "Фючер Прогресс" ХХК гүйцэтгэж байгаа билээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
