Сүмогийн тавдугаар сарын банцүкэг зарлалаа
Мэргэжлийн сүмогийн тавдугаар сарын тэмцээний банцүкэ буюу чансааг өнөөдөр зарлав.
Дээд зиндаанд Монголын зургаан бөх барилдана. Ёкозүна Хоошёорюү С.Бямбасүрэн, озеки цолоо эргүүлэн авсан Киришима Б.Лхагвасүрэн, маэгаширагийн зүүний долдугаарт Чиёошёома Г.Мөнхсайхан, зүүний наймдугаарт Ошома П.Дэлгэрбаяр, барууны наймдугаарт Асахакүрюү Р.Жамъяантогтох, барууны 13-т Тамаваши Б.Мөнх-Оргил нар бичигдлээ.
Харин өнгөрсөн тэмцээнд гэмтлийн улмаас дундаас нь орхисон Онокацү Б.Чойжилсүрэн жюүрёо зиндаа руу буужээ.
Гуравдугаар сарын тэмцээнд жюүрёо зиндаанд түрүүлсэн Дэванорюү Т.Тэмүүлэн зүүний гуравдугарт жагссан бол дархан аварга Г.Өсөхбаярын хүү Тошинофүжи Ө.Дэмиджамц барууны долдугаарт эрэмбэлэгдэв.
Тавдугаар сарын тэмцээн 10-ны Ням гарагт эхлээд 24-ны Ням гарагт өндөрлөх хуваарьтай.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
