Physical Asia шоуны Австралийн багийн оролцогч Эдди Уильямс Монголд ирлээ
Physical Asia шоунд Австрали улсыг төлөөлөн оролцсон хүчтэн Эдди Уильямс өнөөдөр Монголд ирсэн байна.
Тэрбээр өөрийн Инстаграм хаягтаа Хөшигийн хөндий дэх нисэх онгоцны буудалд байгаа болон Улаанбаатарт байрласан зочид буудлынхаа цонхоор харагдах орчны богино бичлэгийг оруулжээ.
Эдди Уильямс нь Австралийн хүчтэн шалгаруулах тэмцээний хоёр удаагийн аварга бөгөөд 194 см өндөр, ойролцоогоор 190 кг жинтэй гэж PrimeTimer.com-д мэдээлжээ.
Тэрбээр хүчний спортоор хичээллэж, залууст дасгал хөдөлгөөн хийхийг уриалахын зэрэгцээ тусгай хэрэгцээт хүүхдүүдэд туслах ажилд идэвхтэй оролцдог байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
