"BC Game Esports" баг Senzu буюу М.Азбаярыг албан ёсоор худалдан авчээ
Манай улсын шилдэг тоглогч Senzu буюу М.Азбаярын "BC Game Esports" багт тоглох зээлийн хугацаа гуравхан хоногийн өмнө дуусаж, багаас гарч буй талаар мэдээлэл гарч байлаа.
Тэгвэл өчигдөр буюу зургаадугаар 23-нд М.Азбаяр нь "The MongolZ" багийн харьяаллаас албан ёсоор гарч буйг зарлалаа. "The MongolZ" баг түүнийг 2025 оны аравдугаар сард сэлгээнд суулгаж байв. Улмаар он гарснаас хойш "Passion UA" багт зээлээр нэгдэж, хоёр сар гаруй хугацаатай тоглоод дөрөвдүгээр сарын сүүлээр "BC Game Esports" багт зээлээр тоглож эхэлсэн.
Өчигдрийг хүртэл түүний хувь тоглогчийн гэрээг "The MongolZ" баг удирдлагууд шийдэх эрхтэй байсан.
Харин өнөөдрөөс Senzu буюу М.Азбаяр нь "The MongolZ" багийн харьяалалгүй болж, "BC Game Esports" багийн албан ёсны тоглогч болж байгаа нь энэ юм. Энэхүү гэрээ хэлцэл хэр мөнгөөр хийгдсэн талаарх мэдээлэл одоогоор ил болоогүй байна.
"BC Game Esports" багийн бүрэлдэхүүнд
- Олександр Костыльев буюу s1mple,
- Денис Шарипов буюу electroNic,
- Senzu буюу М.Азбаяр нар тоглож байгаа бол
- дасгалжуулагчаар Виктор Войтас буюу TaZ ажиллаж байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
