БНСУ-д хууль бусаар оршин суугч гадаадын иргэдэд сайн дураар нутаг буцах тусгайлсан журам хэрэгжиж эхлэв

Г.Мөрөн, iKon.mn

2025 оны 12 сарын 2

iKon.MN

Гэрэл зургийг MPA агентлагийн онцгой зөвшөөрөлтэйгөөр ашиглав

Хууль зүйн яамнаас 2025 оны арванхоёрдугаар сарын 1-ний өдрөөс 2026 оны хоёрдугаар сарын 28-ны өдрийг хүртэл “Хууль бусаар оршин суугч гадаадын иргэдэд сайн дураар нутаг буцах тусгайлсан журам”-ыг хэрэгжүүлэхээр боллоо.

Гэхдээ хууль бусаар хилээр нэвтэрсэн, хуурамч паспорт ашигласан, эрүүгийн гэмт хэрэг үйлдсэн, хилээр гарах тушаалыг биелүүлээгүй этгээд зэрэг албадан гаргах ажиллагаанд хамаарах хүмүүс болон 2025 оны арванхоёрдугаар сарын 1-ний өдрөөс хойш хууль бусаар оршин суусан этгээдүүд энэхүү арга хэмжээнд хамрагдахгүй.

Өмнөх сайн дураар нутаг буцах хугацаанд хууль бусаар оршин суугч нь торгуулиа төлсөн тохиолдолд л дахин нэвтрэх эрхийг хязгаарлах арга хэмжээг түдгэлзүүлдэг байсан бол энэ удаагийн тусгайлсан сайн дураар нутаг буцах хугацаанд торгууль төлөөгүй байсан ч дахин нэвтрэх эрхийг хязгаарлах журмыг түдгэлзүүлэх юм.

Мөн энэхүү сайн дураар нутаг буцах хугацаанд Хууль зүйн яамнаас гадаадын иргэдэд чиглэсэн шалгалтыг үргэлжлүүлэн явуулж, хууль бусаар оршин сууж буй гадаадын иргэн илэрсэн тохиолдолд албадан гаргах, дахин хилээр нэвтрэхийг хориглох зэрэг арга хэмжээг чанд мөрдөн ажиллах юм.

Дэлгэрэнгүй мэдээллийг энд дарж уншина уу.

Эх сурвалж: БНСУ дахь Хөдөлмөр, нийгмийн хамгааллын үйлчилгээний төв

Анхааруулга

Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!