Сэлбэ голыг хөндлөн гарсан дулааны шугамд гэмтэл гарчээ
Дулааны 5г магистрал буюу Сэлбэ голыг хөндлөн гарсан шугамд гэмтэл гарсныг засварлаж дуусжээ.
Энэ талаар "УБДС" ТӨХК-аас "2025 оны арваннэгдүгээр сарын 10-ны өдөр Сэлбэ голыг хөндлөн гарсан дулааны 5г магистрал шугамд гэмтэл гарсан.
Дулаан дамжуулах сүлжээний ашиглалт засвар үйлчилгээний албаны Шугамын ашиглалт, засварын дөрөвдүгээр хэсгийнхэн гэмтлийг засварлаж, өнөөдөр хэвийн ажиллагаанд орууллаа" гэж мэдээллээ.
5г магистрал шугам нь Баянзүрх дүүргийн нутаг дэвсгэр, 13 дугаар хороолол орчмын айл өрх, ААН-үүдийг дулаанаар хангадаг байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
