Хасын Хүлэгүүд баг EASL буюу Зүүн Азийн Супер лигийн эхний тоглолтоо Японы багийн эсрэг хийнэ
2023 оноос эхлэн Зүүн Азийн сагсан бөмбөгийн шилдэг клубүүдийн өрсөлдөж эхэлсэн EASL тэмцээнд манай улсын Хасын Хүлэгүүд баг анх удаа оролцоход бэлэн болжээ.
Хүлэгүүдийн хувьд тэмцээний C хэсэгт Японы Alvark Tokyo, БНСУ-ын ChangWon LG Sakers багуудтай оноолт таарчээ.
Тус лигийн тэмцээний хүрээнд Тайвань, Хонг Конг, Макао, Филиппин, БНСУ, Япон, Монгол гэсэн 7 орны тус тусын лигийнхээ аварга болсон багууд өрсөлдөх юм. Багууд өөрийн талбайдаа болон аялан тоглолт гэсэн зарчмаар бие биеийнхээ эсрэг хоёр удаа тоглох хуваарьтай.
Тэмцээний нээлтийн тоглолтууд 10-р сарын 8-ны өдөр болох бөгөөд Хасын Хүлэгүүд баг шинэ улирлын хамгийн эхний тоглолтыг Японы Alvark Tokyo багийн эсрэг Токио хотын Keio цэнгэлдэх хүрээлэнд хийхээр боллоо.Үүнээс гадна тус өдөр Тайвань улсад мөн хоёр тоглолт болох хуваарьтай.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
