Нийтийн тээврийн автобуснуудад ариутгал, халдваргүйтгэл хийж эхэллээ
Улаанбурхан өвчин газар авч, халдварын тохиолдол буурахгүй байгаа учир нийтийн тээврийн үйлчилгээний автобусанд давтамжтайгаар ариутгал, халдваргүйтгэл хийж байгааг НТБГ-аас мэдээллээ.
Нийслэл хотод өдөрт 1,000 гаруй автобус иргэдэд үйлчилдэг байна. Эдгээр автобусанд ээлжлэн ариутгал хийж байгаа гэв.
Өнөөдрийн байдлаар/2025.07.01/ улсын хэмжээнд улаанбурхны халдвараар 11,016 хүн өвджээ. Улаанбурхан өвчин нь халдварлалт өндөртэй ч вакцинаар сэргийлэгдэх боломжтой байна.
Хэт бага насны хүүхдээ дагуулж хүн олноор цугларсан арга хэмжээнд оролцохгүй байх, амны хаалт зүүхийг НЭМГ-аас зөвлөв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
