Олимпын аварга Билял Маховын ДАШТ-ээс авсан хүрэл медалийг нь хүчингүйд тооцов
Чөлөөт бөхийн Лондоны олимпын аварга, Дэлхийн Аварга Шалгаруулах Тэмцээн (ДАШТ)-ээс гурван алт, нэг мөнгөн медаль хүртсэн орос эр Билял Маховын 2015 оны ДАШТ-ээс хүртсэн хос хүрэл медалийг нь хураан авахаар болсноо ITA буюу International Testing Agency зарлав.
Б.Махов бөхийн хоёр төрлөөр буюу чөлөөт бөх, сонгомлоор 2015 оны ДАШТ-ээс хошой хүрэл медаль хүртсэн.
Түүнийг допинг хэрэглэсэн гэж үзэн 2021 оны есдүгээр сараас хойш дөрвөн жил тэмцээнд оролцох эрхийг нь хассан юм. Тэгвэл 2015 - 2020 оны хооронд үзүүлсэн амжилтыг нь хүчингүйд тооцож байгаагаа саяхан мэдэгджээ. Ингэснээр 2015 оны ДАШТ-ээс авсан хүрэл медаль нь АНУ-ын бөх Робби Смитэд шилжиж байна.
Тэд сонгомол бөхийн төрөлд хүрэл медалийн төлөө өрсөлдөхөд Б.Махов 10:8-аар ялж байв.
Харин чөлөөт бөхийн төрөлд гүрж гаралтай армени залуу Леван Берианидзе ДАШТ-ий гурван хүрэл медальтай болж буй юм.
Эх сурвалж: ITA
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
