Тоглоомон буу үйлдвэрлэх, худалдаалахыг хоригложээ
Бразилийн Сан-Паулу мужид тоглоомон буу, зэвсэг үйлдвэрлэх, худалдаалахыг хоригложээ.
Хоёр сарын дараагаас мөрдөгдөх уг хуулийг зөрчвөл 20 мянган реал буюу 8700 ам.долларын торгууль ногдуулах юм байна.
Үүнээс гадна тоглоомон зэвсгийн үйлдвэр, худалдаа эрхэлсэн байгууллагуудыг 30 хоногийн хугацаагаар хаахаар болжээ.
Хүн ам төвлөрсөн, үйлдвэрлэл хөгжсөн Сан-Паулу мужид 2011 онд дээрмийн хэргээр саатуулагдсан этгээдүүдээс 2383 буу хурааж авсны 1/3 нь тоглоом байжээ. Гэтэл 2012 онд дээрмийн нийт хэргийн 41 хувь нь тоглоомон зэвсэгтэйгээр үйлдэгдсэн аж. Тиймээс тус муж ийм хачирхалтай хууль гаргасан байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
