"Найрамдал цогцолборын эрхийн бичгийг эрүүл мэнд, хүндэтгэн үзэх шалтгааныг эс тооцвол буцаах, бусдад дамжуулах боломжгүй"
Олон улсын хүүхдийн Найрамдал цогцолборт амрахаар захиалсан эрхийн бичгийг эрүүл мэндийн болон хүндэтгэн үзэх шалтгаан бүхий тохиолдлыг эс тооцвол буцаах, бусдад дамжуулах, ээлж солих боломжгүй.
Хэрэв дээр дурдсан шалтгаанаар эрхийн бичгээ буцаах бол
- Эрхийн бичгийн хуулбар
- Тухайн хүүхдийн төрсний гэрчилгээний хуулбар
- Өргөдөл/ гараар бичсэн /
- Төлбөр буцаах данс, данс эзэмшигчийн нэр, утас /Төлбөр гарсан данс байна./
Эдгээр материалыг icc@nairamdal.mn хаягт илгээнэ.
Төлбөрийн буцаалтыг Өргөдөл, гомдлыг хүлээн авсан өдрөөс хойш иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай хуулийн дагуу 30 хоногт багтаан шийдвэрлэх юм байна.
Түүнчлэн Найрамдал цогцолборын эрхийн бичгийг бусдад шилжүүлэх, худалдах, худалдан авсан тохиолдолд хүчингүй болох юм байна. Ээлж эхлэх өдөр хүүхдийн автобус болон цогцолборт эрхийн бичгийг байнга ашиглах бөгөөд хүүхдийн мэдээлэл зөрсөн тохиолдолд тухайн хүүхдийг хүлээн авах боломжгүй аж.
Эх сурвалж: Олон улсын хүүхдийн Найрамдал цогцолбор
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
