Баянхошууны 5,000 айлын орон сууц 2028 онд баригдана
Улаанбаатар хотын гэр хорооллыг орон сууцжуулах төслүүдийн нэг болох Баянхошуу хот байна.
Уг төслийн эхний үе шатанд 45 га талбайд 462 айлын орон сууцыг барих бол хоёр дахь шатанд 33.8 га талбайд 2,338 айлын орон сууцыг барихаар төлөвлөжээ.
Тодруулбал нийт 5,000 айлын орон сууцыг Баянхошуу хот орон сууцжуулах төслийн хүрээнд 2028 онд барих юм.
462 айлын орон сууц барих ажил Сонгинохайрхан дүүргийн 7, 8, 9, 10 дугаар хороог хамрах 45 га талбайд хэрэгжинэ. Өнөөдрийн байдлаар Сонгинохайрхан дүүргийн есдүгээр хорооны нутаг дэвсгэрт 5.5 га талбайд 462 айлын ногоон орон сууцны эхний ээлжийн дөрвөн блок 110 айлын орон сууцны барилга угсралтын ажил 85 хувийн гүйцэтгэлтэй, энэ зун ашиглалтад оруулна гэж нийслэлийн холбогдох албаныхан мэдээлж байна.
Баянхошуу хот орон сууцжуулах төслийг Азийн хөгжлийн банк болон Уур амьсгалын ногоон сангийн зээл, тусламжийн нийт 322 сая ам.доллароор хэрэгжүүлэх бөгөөд 5,000 айлын орон сууц нь саарал ус ашиглах, сэргээгдэх эрчим хүч, хүлэмж, ногоон байгууламж зэрэг шийдэлтэй баригдах аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
