Говь, Зүүн аймгуудын нутгаар салхи зарим үед 24-29м/с хүрч шороон болон цасан шуурга шуурч байна
Говийн болон Зүүн аймгуудын нутгаар өнөөдөр хүчтэй салхилж, шороон болон цасан шуурга шуурч салхины хурд 10-16 м/с, зарим үед 24-29 м/с хүрч байгаа талаар Цаг уур, орчны шинжилгээний газраас мэдээллээ.
Иймд дээрх бүс нутагт амьдарч байгаа ард иргэд, малчид, жолооч тээвэрчид цаг агаарын болзошгүй эрсдэлээс сэрэмжтэй байж хол ойрын замд зорчихгүй байхыг анхааруулав.
Тухайлбал өнөө өглөөний 08 :00 цагийн ажиглалтын мэдээгээр Дорноговь аймгийн Иххэт, Алтанширээ, Дэлгэрэх, Сайншанд, Мандах, Сайхандулаан, Өргөн сумдын нутгаар цас орж, салхины дундаж хурд секундэд 12-17 метр хүрч цасан шуурга шуурч байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
