П.Наранбаяр: Зодоон огт болоогүй. Зодуулсан гэсэн үг биш. Санамсаргүй тохиолдол болсон гэж ойлгоорой
Боловсролын сайд П.Наранбаяр УИХ-ын гишүүн Б.Найдалаад зодуулсан гэдэг мэдээлэл цацагдаад буй.
Энэхүү мэдээллийн талаар цагдаагийн байгууллагаас "Монгол Улсын Төрийн ордонд Боловсролын сайдыг УИХ-ын гишүүн цохиж, биед нь хохирол учруулсан гэх мэдээллийг 2025 оны гуравдугаар сарын 27-ны өдрийн 15:00 цагийн орчимд хүлээн авч бүртгэлд оруулан, биед учирсан хохирлыг тогтоох бусад нотолбол зохих байдлыг тогтоохоор шалгалтын ажиллагааг үргэлжлүүлж байна" хэмээн баталсан.
Тэгвэл П.Наранбаяр сайд энэ асуудалд хариулт өглөө.
Тэрбээр "Хуралдахад маргалдах тохиолдол гарна. Гэхдээ зодооноор шийдээд байгаа юм байхгүй. Манай хэвлэлийнхэн худал юм явуулаад байна. Цагдаад дуудлага өгөөгүй. Юу гэж дуудлага өгөх вэ дээ. Эмнэлэгт очиж, хоёр жижиг оёдол тавиулсан. Хүн хэлээрээ мал хөлөөрөө гэдэг. Ер нь аливаа зүйлийг ярилцаж байж л шийддэг. Б.Найдалаа гишүүн бид хоёрын дунд зодоон байхгүй. Зодоон огт болоогүй. Зодоон гэдэг бол хоёр талаасаа зодолдоно. Энэ бол жинхэнэ балмад үйлдэл. Зодуулсан гэсэн үг биш. Санамсаргүй тохиолдол болсон гэж ойлгоорой" гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
123 СЭТГЭГДЭЛТЭЙ
|
