Гуравдугаар сарын 19-22-ны хооронд нийт нутгаар дулаарч, салхи, шуурга багатай цаг агаар тогтуун байна

Гэрэл зургийг MPA агентлагийн онцгой зөвшөөрөлтэйгөөр ашиглав

Гуравдугаар сарын 19-22-ны хооронд нийт нутгаар дулаарч, салхи, шуурга багатай цаг агаар тогтуун байх талаар Цаг уур, орчны шинжилгээний газраас мэдээллээ. 

Гуравдугаар сарын 17-26-ныг хүртэлх 10 хоногийн цаг агаарын урьдчилсан төлөв: 

Хур тунадас:

• Гуравдугаар сарын 23-нд Увс нуурын хотгор болон Алтай, Хангай, Хөвсгөл, Хэнтийн уулархаг нутгаар,
• Гуравдугаар сарын 24-нд баруун аймгуудын нутгийн баруун хэсэг болон зүүн аймгуудын нутгийн зүүн хэсгээр,
• Гуравдугаар сарын 25, 26-нд нутгийн зарим газраар нойтон цас, цас орно.
• Бусад хугацаанд цас орохгүй. 

Салхи:

• Гуравдугаар сарын 17-нд зүүн аймгуудын нутгаар,
• Гуравдугаар сарын 22-нд нутгийн зарим газраар,
• Гуравдугаар сарын 23-нд ихэнх нутгаар,
• Гуравдугаар сарын 24,25-нд Алтайн салбар уулс болон Арц Богдын өвөр хоолойгоор,
• Гуравдугаар сарын 26-нд Алтайн уулархаг нутаг болон говь, тал, хээрийн нутгаар секундэд 13-15 метр хүрч, шороон шуурга шуурга шуурна.  

Агаарын температур:

• Гуравдугаар сарын 22-ныг хүртэл ихэнх нутгаар дулаарч, 23-нд нутгийн хойд хэсгээр, 24-нд нутгийн зүүн хэсгээр хүйтэн байна.  
• Увс нуурын болон Дархадын хотгор, Завхан голын эх, Идэр, Тэс, Байдраг голын хөндийгөөр шөнөдөө -20...-25 градус, өдөртөө -3...-8 градус,
• Монгол-Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Эг, Үүр, Хараа, Ерөө, Туул, Тэрэлж, Хэрлэн, Онон, Улз голын хөндийгөөр шөнөдөө -8...-13 градус хүйтэн, өдөртөө 0...+5 градус,
• цас багатай энгэр ээвэр газар болон говийн бүс нутгийн өмнөд хэсгээр шөнөдөө -2...+3 градус, өдөртөө +16...+21 градус дулаан,
• бусад нутгаар шөнөдөө -4...-9 градус хүйтэн, өдөртөө +8...+13 градус дулаан байна.

Улаанбаатар хот орчмын 10 хоногийн цаг агаарын урьдчилсан төлөв 

Хур тунадас: Гуравдугаар сарын 23-нд ялимгүй цас орно. Бусад хугацаанд цас орохгүй.     

Салхи: Ихэнх хугацаанд секундэд 5-10 метр, 23-нд баруун өмнөөс хойш эргэж секундэд 12-14 метр хүрч ширүүсч, шороон шуурга шуурна.  

Агаарын температур: Шөнөдөө -5...-10 градус хүйтэн, өдөртөө +9...+14 градус дулаан байна. 23, 24-нд хүйтэн байна. 

Өнөөдрийн цаг агаар: 

Том дэлгэцээр үзэхэд тохиромжтой тул утсаар харах бол ЭНД ДАРНА УУ.