ФОТО: УИХ-ын хаврын чуулганы нээлтийн хуралдаанаас...
Монгол Улсын Их Хурлын 2025 оны хаврын ээлжит чуулган өнөөдөр 10:00 цагт 74 гишүүн буюу 58.7 хувийн ирцтэйгээр эхэллээ.
Чуулганы нээлтэд Монгол Улсын Ерөнхий сайд Л.Оюун-Эрдэнэ, Үндсэн хуулийн цэцийн дарга, Улсын ерөнхий прокурор, Засгийн газрын гишүүд, Монгол Улсын Ерөнхийлөгчийн Тамгын газрын дарга, Үндэсний аюулгүй байдлын зөвлөлийн нарийн бичгийн дарга, Улсын Их Хуралд ажлаа шууд тайлагнадаг байгууллагын удирдлагууд зэрэг төрийн өндөр албан тушаалтнууд, Монгол Улсад суугаа Дипломат төлөөлөгчийн газар, Олон Улсын байгууллагын суурин төлөөлөгчийн газрын тэргүүнүүд уригдан оролцсон юм.
Хаврын чуулганы нээлтийн хуралдаанаас УИХ-ын гишүүн, Шадар сайд С.Амарсайхан чөлөө авсан бол УИХ-ын гишүүн Ж.Золжаргал, Ж.Ганбаатар, Д.Бум-Очир, Б.Тулга, Ж.Баясгалан, Д.Батлут нар гадаад томилолттой, УИХ-ын гишүүн С.Ганбаатар орон нутагт томилолтоор ажиллаж байгаа хэмээн ирээгүй байна.
Мөн УИХ-ын гишүүн Ж.Чинбүрэн, Э.Одбаяр нар эмнэлгийн чөлөөтэй гэж тэмдэглэгджээ.
ФОТО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
