“Оюутан цэрэг” хөтөлбөрийн бүртгэл энэ сарын 14-нийг дуустал үргэлжилнэ
“Оюутан цэрэг” хөтөлбөрийн бүртгэл 2025 оны гуравдугаар сарын 1-нээс эхэлсэн ч олон баяр давхацсан тул гуравдугаар сарын 14-ний өдрийн 17:00 цаг хүртэл дөрөв хоногоор сунгаад буй.
Бүртгэлд хамрагдаж амжаагүй, боловсролын системд бүртгэлийн алдаатай оюутнууд энэхүү хугацаанд цэргийн мэргэжил олгох хөтөлбөрт E-Mongolia системээр бүртгүүлэх боломжтойг санууллаа. Их, дээд сургуулийн I, II, III дамжаанд суралцаж байгаа оюутнууд “Оюутан цэрэг” хөтөлбөрт хамрагдах юм.
Хөтөлбөрт хамрагдах оюутнуудад тавигдах шаардлага:
- Эрүүл мэндийн даатгалыг сүүлийн нэг жилийн хугацаанд төлсөн байх
- Зургаадугаар сарын 15-ны өдрөөс өмнө 18 нас хүрсэн байх.
Сурлагын голч дүн 2.8 ба түүнээс дээш байх журам өөрчлөгдөөгүй.
МСҮТ-ийн оюутнууд дүүрэг дээрээ цаасан хэлбэрээр бүртгүүлнэ гэж НЗДТГ-ын Цэргийн штабын дарга мэдээлсэн юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
