Мастерын зэрэглэлтэй тамирчдын Зөвлөлөөс МХБХ-ны ээлжит бус хурал зарлах шаардлага хүргүүлжээ

Гэрэл зургийг MPA агентлагийн онцгой зөвшөөрөлтэйгөөр ашиглав

Монголын Хөлбөмбөгийн Холбоо (МХБХ)-ны дотоод асуудал хурцдаж, Удирдах зөвлөлийн ээлжит бус хурлаар ерөнхий нарийн бичгийн дарга Т.Дагвадорж ажлаа өгсөн. 

Шинээр М.Ганбаатар томилогдсон ч үүгээр дуусахгүй бололтой. 

МХБХ-ны мастер ангилалын тамирчдын зөвлөлөөс холбооны удирдлагуудад албан шаардлага хүргүүлжээ.

Уг шаардлагад "МХБХ-ны хэвийн үйл ажиллагаа илт доройтож, санхүүгийн алдагдалд орж, 2024 оны тэмцээний шагналаа олгож чадахгүй, ажилчдынхаа цалин, нийгмийн даатгалыг төлөх чадамжгүй нөхцөлд хүрч, ОУХБХ болон АХБХ-ны санхүүжилтийг зориулалтын бусаар зарцуулж, 5.6 тэрбум төгрөгийн өртэй болсон.

Холбоонд үүсээд буй нөхцөл байдлыг үндэслэж, Мастер Ангиллын Зөвлөл гишүүн байгууллагын зүгээс холбооны дүрмийн 34.2-т заасны дагуу ээлжит бус их хурлыг хуралдуулах шаардлагаа албан ёсоор илэрхийлж байна" гэв.