Сэтгэлгээний зугаа цэнгэл

“Хөвсгөлийн Залуу Математикчид” ТББ-аас жил бүр уламжлал болгон зохион байгуулдаг “Хаврын Их Сорилго-18” Хойд Бүсийн Математикийн Олимпиад Хөвсгөл аймгийн Мөрөн хотод өнгөрсөн амралтын өдрүүдэд болж өндөрлөлөө.

Хөвсгөл, Орхон, Дархан-Уул аймгийн шилдэг математикч сурагчид өрсөлдсөн чансаатай олимпиад болсон ба хөдөө орон нутгаас улсын математикийн олимпиад, олон улсын математикийн олимпиадад амжилт үзүүлсэн сурагчид дийлэнх нь уг олимпиадын оролцогчид байдаг байна.

 

 

“Математикийн мэргэжлийн төрлийн олимпиад нь сэтгэлгээний хаан гэж хэлж болохуйц академик зугаа цэнгэл билээ.”

Уг олимпиадыг 3 дахь жилдээ Д.Зоригт захиралтай “Намуун брэнд” ивээн тэтгэж багш сурагчдыг нийт 11 сая 200 мянган төгрөгөөр шагнаж урамшуулсан байна.

Академик боловсролыг дэмжигч “Намуун бренд” нь нярай хүүхдийн ариутгасан өлгий даавуу болон 0-1 нас хүртэлх хүүхдийн бэлэн хувцас үйлдвэрлэдэг үндэсний үйлдвэрлэл бөгөөд Улаанбаатар хот, Хөвсгөл, Орхон, Өвөрхангай аймгуудад өөрийн baby shop нэрийн дэлгүүрүүдэд болон гэрээт борлуулагчдаар бараа, бүтээгдэхүүнээ худалдаалдаг байна.