Залуус хороолол чиглэлд автобусны шинэ зогсоол байгуулжээ

Нийслэлийн Сонгинохайрхан дүүргийн 38 дугаар хороо, Залуус хорооллын урд Таван шарын төмөр замын доорх нүхэн гарц ашиглалтад орсонтой холбоотойгоор 10 буудлын зүүн чиглэл буюу хотын төв рүү зорчих автобусны зогсоолын байршил өөрчлөгдөж холдсоны улмаас нийтийн тээврээр үйлчлүүлэхэд хүндрэлтэй нөхцөл байдал үүсжээ. Иргэд, оршин суугчдын зүгээс шинээр автобусны зогсоол гаргаж өгөх хүсэлтийг энэ сард гаргасан байна.

Уг хүсэлтийн дагуу төмөр замын гармын автобусны зогсоолыг шинээр нэмжээ. Шинэ зогсоолын байршил нь 10 буудлын автобусны зогсоолоос 500 метр, Таван шарын автобусны зогсоолоос 900 метр зайтай байна.

Ингэснээр нэгдүгээр сарын 21-ний өдрөөс гармын зогсоолоор нийт зургаан чиглэлийн нийтийн тээврийн автобус дайран өнгөрч зогсдог болжээ. 

• Ү:19 “Нарангийн гол-5 шар”
• Ү:20 “Орбитын шинэ эцэс-5 шар”
• Ч:6 “Толгойт-10-р хороолол”
• Ч:13 “Тахилт-Саппоро-3-р эмнэлэг”
• Ч:40 “Мах импекс-Тэнгис кино театр-Улаанхуаран”
• Х:8 “Найрамдал зуслан-5 шар”