Хөх нуурт 2024 оны арваннэгдүгээр сард живсэн Портер машиныг татан гаргажээ
Дорнод аймгийн Чойбалсан сумын Хөх нуур багийн 37 дугаар точка гэдэг газар Хөх нуурын усанд 2024 оны арваннэгдүгээр сарын 18-ны өдөр живсэн “Портер” загварын автомашиныг татан гаргуулах тухай хүсэлт онцгой байдлын албанд иржээ.
Энэ дагуу тус аймгийн Онцгой байдлын газрын Аврах ангийн алба хаагчид ажиллаж, иргэн Б-гийн “Портер” загварын бага оврын ачааны автомашиныг нэгдүгээр сарын 21-ний 20:30 цагт татан гаргасан байна.
Тухайн автомашин живсэн газар нь аймгийн төвөөс зүүн хойд зүгт 260 км-т, Чойбалсан сумын төвөөс зүүн хойд 220 зүгт км зайд байжээ.
Эх сурвалж: Онцгой Байдлын Ерөнхий Газар
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
