АНУ-ын хууль тогтоомжийг чандлан мөрдөж, зөрчил гаргахгүй байхыг ЭСЯ-наас анхаарууллаа
iKon.MN
Гэрэл зургийг MPA агентлагийн онцгой зөвшөөрөлтэйгөөр ашиглав
АНУ-ын шинэ засаг захиргаанаас хууль бус цагаачлалтай тэмцэх чиглэлээр хэрэгжүүлж буй бодлогын хүрээнд тус улсын Цагаачлалын алба болон хууль сахиулах бусад байгууллага хамтран АНУ-д хууль бусаар оршин суугаа гадаадын иргэдийг саатуулж, албадан буцаах ажиллагааг явуулж байна.
Онц ноцтой гэмт хэргийн түүхтэй, нийгэмд аюул занал учруулж буй хууль бус цагаачдыг эхний ээлжид саатуулж, албадан гаргаж байгааг холбогдох албаныхан мэдэгдэж байгаа хэдий ч согтуугаар тээврийн хэрэгсэл жолоодох, олон нийтийн газар танхайрах, согтууруулах ундаа хэрэглэх гэх мэт зөрчил гаргасан бичиг баримтын зөрчилтэй гадаадын иргэдийг баривчлах тохиолдол гарч байна.
Иймд та бүхэн АНУ-ын хууль тогтоомжийг чандлан мөрдөж, зөрчил гаргахгүй байхад анхаарна уу!
Эх сурвалж: Монгол Улсаас АНУ-д суугаа Элчин сайдын яам
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
