• 3 сарын 13, Пүрэв
|
Уншиж байна ...

2025: Та цалингаа өөрөө тооцож үзэх үү?

ikon.mn
1 цаг 54 минутын өмнө
IKON.MN
Зураг зураг

iKon.mn мэдээллийн сайтаас цалин тооцоолоход нөлөөлдөг Нийгмийн Даатгалын шимтгэл (НДШ), Хувь Хүний Орлогын Албан Татвар (ХХОАТ), Хөдөлмөрийн Хөлсний Доод Хэмжээ (ХХДХ) гэх хэмжигдэхүүнүүдийн % хэмжээнд өөрчлөлт орсон тохиолдолд цалингийн тооцооллыг шинэчлэн хүргэдэг билээ. Энэ жилийн хувьд ХХОАТ, НДШ-ийн хувь хэмжээнд өөрчлөлт ороогүй байна. Харин 2025 оны 4-р сарын нэгнээс ХХДХ нь 792,000₮ болж байгааг өмнө мэдээлсэн. Үүнээс шалтгаалан таны цалинд нөлөөлж байгаа эсэхийг төгсгөл хэсэгт байгаа  ҮНДСЭН ЦАЛИН  нүдэнд цалингийн дүнгээ оруулж шалгах хэрэгтэй. 2024 онтой харьцуулж гаргах учир өөрчлөлт орсон эсэх нь тодорхой харагдана.

Тодорхойлолт: Цалин гэдэгт зөвхөн ажил олгогчтой хийсэн гэрээгээр тохирсон үндсэн цалин биш тухайн сард тасалсан, амарсан, чөлөөлөгдсөн хоног хасагдаж, илүү цагаар ажилласан хоног цаг нэмэгдэж, амралтын мөнгө, шагнал урамшуулал нэмэх, торгууль шийтгэл хасах дүнгүүдийг бүгдийг тооцсоны эцэст танд олгохоор тооцсон цалинг ойлгоно. Ингэж тооцсон цалинг аж ахуйн нэгж байгууллагууд урьдчилгаа, болон сарын сүүлийн цалин байдлаар 2 хуваан олгодог. Энэхүү тодорхойлолт нь санхүүгийн бодит хэллэг биш бөгөөд энгийн хүнд ойлголт өгөх зорилгоор бүдүүвчлэн тодорхойлсон тодорхойлолт юм.

2025 оны дөрөвдүгээр сарын 1-нээс үйлчилж эхлэх ХХДХ-ний өөрчлөлт хэнд хамааралтай вэ?

Шууд хамааралтай байж магадгүй хэсгийг харуулахыг зорилоо. Үүнд:

  • Яг таны цалинд нөлөөлж байгаа эсэхийг төгсгөл хэсэгт байгаа  ҮНДСЭН ЦАЛИН  нүдэнд цалингийн дүнгээ оруулж шалгах хэрэгтэй. 2024 онтой харьцуулж гаргах учир өөрчлөлт орсон эсэх нь тодорхой харагдана.
  • Хувиараа НДШ төлөгчид буюу Сайн Дурын Даатгуулагчдын хувьд 2024 онд НДШ-д сар бүр хувиараа 89,100 төгрөгийг хамгийн багадаа төлдөг байсан бол ХХДХ нь 2025/04/01-нээс 792,000 төгрөг болсноор үүний 13.5% буюу 106,920 төгрөг төлдөг болох нь. Мэдээж орлогоос хамаарч төлөх учир 2,000,000 төгрөгийн орлого олдог гэж үзвэл үүний 13.5% буюу НДШ-д хувиараа 270,000₮ төлнө. 
  • Хөдөлмөрийн Хөлсний Доод Хэмжээгээр цалинждаг ажилтны хувьд;
  • Өндөр насны тэтгэвэр тогтооход энэ шатлалд хамаарах бол;
  • Хууль тогтоомжоор ХХДХ-ээс хамааруулан тооцдог үйлчилгээний төлбөр, торгууль шимтгэлүүдийн хувьд

График 1: Хөдөлмөрийн Хөлсний Доод Хэмжээ 2017-2025 онд өөрчлөгдсөн байдал

2025 оны хувьд НДШ болон ХХОАТ-ын шатлалт тооцоолол өмнөх оноос өөрчлөгдөөгүй бөгөөд 2025 оны 4-р сарын 1-нээс ХХДХ нь өөрчлөгдсөн байгаагаар 2024 онтой харьцуулан тооцооллыг шинэчлэн оруулав.

АНХААРУУЛГА: Энэхүү цалингийн тооцоолол нь 2024/01/01 - 2025/12/31 хугацаан дахь Монгол улсын Нийгмийн даатгалын тухай хууль, Орлогын албан татварын тухай хуулийн хүрээнд хүчинтэй. Уул уурхай, үйлдвэрлэл эрхлэгч байгууллагын 2%-ийн гэнэтийн ослын даатгалын шимтгэлийг тусгаагүй болно. Гарт олгох цалин нь өмнөх оноос өөрчлөгдөж байгаа эсэхийг харуулах зорилгоор 2024, 2025 оны цалинг хамтад нь харуулав.

Та олгохоор тооцсон цалингаа  (үндсэн цалингаа ч болно) оруулж картанд хүлээн авах нийт цалингаа бодуулж, татвар суутгал хэдий хэмжээгээр суутгадгийг харах боломжтой.

 ҮНДСЭН ЦАЛИН:  

Агуулга

ОДОО

2024-2025/03/31

УДАХГҮЙ

2025/04/01
 
Энэхүү тооцооллыг 2018 оноос хойш тогтмол гаргаж байгаа бөгөөд 2018/01/01/-2020/03/31 хугацаанд хамаарах НДШ-ын тооцооллыг ЭНД ДАРЖ; 2020/04/01-2022/12/31 хугацаанд хамаарах НДШ-ын тооцооллыг ЭНД дарж;  2023/01/01-2024/12/31 хугацаанд хамаарах НДШ-ын тооцооллыг ЭНД дарж үзнэ үү.