ҮЙЛ ЯВДАЛ: Хавдар судлалын үндэсний төв-2 барих асуудлаар мэдээлэл хийнэ

“Хүчит шонхор” зах дээр

09:30 цагт Стандарт, хэмжил зүйн газраас махны хяналт, шалгалтын ажил явагдана. Мөн жимс, ногооноос пестицидийн үлдэгдлийг шалгаж, хариуг шууд гаргаж мэдээлнэ. 

Туушин зочид буудлын Соёмбо танхимд

09:30 цагт Гэр бүл, хөдөлмөр, нийгмийн хамгааллын яам, Монголын бүтээмжийн төв, Азийн бүтээмжийн байгууллага хамтран Үндэсний бүтээмжийн үзэл баримтлалыг тодорхойлох, үндэсний хэмжээнд бүтээмжийн хөдөлгөөнийг эрчимжүүлэх зорилго бүхий “Бүтээмжийн хувьсал” зөвлөлдөх уулзалтыг зохион байгуулна.

Төрийн ордонд 

10:00-15:00 цагт "Нийгмийн сэтгэл зүйн тулгамдсан асуудал" үндэсний зөвлөгөөн болно. 

Ёслол хүндэтгэлийн "А" танхимд 

11:00 цагт Монгол Улсын Ерөнхийлөгчийн Тамгын газраас "Хавдар судлалын үндэсний төв II"-ийг барих асуудлаар мэдээлэл хийнэ. 

ҮСХ-ны байранд 

11:00 цагт Монгол Улсын нийгэм, эдийн засгийн энэ оны эхний 11 сарын үзүүлэлтүүдийг танилцуулна 

БОУАӨЯ-ны Хурлын танхимд 

12:00 цагт Байгаль орчин, уур амьсгалын өөрчлөлтийн яамнаас 2025 оныг хөв цөөрөм байгуулах жил болгон зарлаж, 333 нуур , 1 сум-1 нуур уриалгыг дэвшүүлж байгаа талаар мэдээлэл хийнэ.