Дотоодоос улсын хил зөрчихийг завдсан үйлдлийг илрүүлэв

Дорноговь аймгийн Замын-Үүд суман дахь Хилийн цэргийн 0108 дугаар ангийн хариуцсан хэсгээр 2024 оны арваннэгдүгээр сарын 9-ний өдөр нэг иргэн дотоодоос улсын хил зөрчихийг завдсан үйлдлийг хилчид албаны ур чадвар гарган илрүүлсэн байна. 

Мөн тухайн хүн нь гадаад улсын иргэн бөгөөд холбогдох байгууллагад шилжүүлжээ.

Хилийн зөрчилд дараах үйлдлийг тооцдог: 

22.1.1.хилийн боомт бус газраар улсын хилийг газар, ус, агаараар нэвтэрсэн, нэвтрэхийг завдсан;

22.1.2.хилийн боомтоор улсын хил нэвтрэх эрхийн баримт бичиггүй, эсхүл хүчин төгөлдөр бус баримт бичигтэйгээр нэвтэрсэн, нэвтрэхийг завдсан;

22.1.3.улсын хилийг газрын хэвлийгээр нэвтэрсэн;

22.1.4.хилийн боомт бус газраар тээврийн хэрэгсэл, эд зүйлийг хууль бусаар улсын хил нэвтрүүлсэн, нэвтрүүлэхийг завдсан.

Эх сурвалж: Хил Хамгаалах Байгууллага