Нийтийн тээврийн автобусны “Яармагийн 1-р буудал” зогсоолыг “Хангарди цогцолбор” гэж нэрлэхээр болжээ
Улаанбаатар хотын төвийн түгжрэлийг бууруулах зорилгоор Нийслэлийн Засаг даргын Тамгын Газар/НЗДТГ/ болон харьяа байгууллагуудыг Яармагт байрлалтай шинэ Хангарди ордон руу нүүлгэх шийдвэр 2016 онд гарч байв.
Улмаар НЗДТГ болон Нийслэлийн нутгийн захиргааны байгууллагууд Хан-Уул дүүргийн дөрөвдүгээр хорооны нутаг дэвсгэрт шинээр баригдсан “Нийслэлийн нутгийн захиргааны цогцолбор” барилгад 2024 оны наймдугаар сард нүүж орсон юм.
Иргэд уг байрнаас төр захиргааны байгууллагын үйлчилгээг авах бөгөөд нийтийн тээврийн автобусны “Яармагийн 1-р буудал” зогсоолын нэршлийг “Хангарди цогцолбор” гэж өөрчлөхөөр болжээ.
Уг нэршил 2024 оны 11 дүгээр сарын 8-ны Баасан гарагаас мөрдөгдөх юм байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
