Цас орсонтой холбоотойгоор зам тээврийн ослын 758 дуудлага бүртгэгджээ
IKON.MN
Гэрэл зургийг MPA агентлагийн онцгой зөвшөөрөлтэйгөөр ашиглав
Өнгөрсөн Ням гарагт нийт нутгаар нойтон цас орсноор авто замын хөдөлгөөний ачаалал нэмэгдсэн.
Нийслэлд Багануур, Налайх дүүрэгт цас орсны улмаас үзэгдэх орчин хязгаарлагдаж байсан бол орон нутагт Говьсүмбэр, Сэлэнгэ аймагт зам мөстөж хайлан онцгой нөхцөл байдал үүссэн тул замын хөдөлгөөнийг түр хугацаагаар хаасан билээ.
Үүнтэй холбоотойгоор зам тээврийн ослын талаар Тээврийн цагдаагийн албаны жижүүрийн шуурхай удирдлагын төвөөс тодруулахад "Зам тээврийн ослын 758 дуудлага мэдээлэл бүртгэгдсэн" гэв.
Ослын шалтгааны дийлэнх нь зуны дугуйгаа солиогүйгээс үүдэлтэй байгааг албаныхан мэдээлсэн юм. Тиймээс тээврийн хэрэгслийнхээ өвлийн бэлтгэлийг хангаж, зуны дугуйгаа өвлийн дугуйгаар солихыг зөвлөж байна.
https://www.facebook.com/transportationpolice/videos/886647639804695
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
