Нойтон цас орж, ихэнх нутгаар сэрүүсэхийг анхааруулж байна
IKON.MN
Гэрэл зургийг MPA агентлагийн онцгой зөвшөөрөлтэйгөөр ашиглав
Цаг уурын байгууллагаас гаргасан мэдээллээр өнөөдөр буюу аравдугаар сарын 3-нд Булган, Сэлэнгийн зарим газраар, 4-нд баруун болон төвийн аймгуудын нутгийн өмнөд хэсгээр нойтон цас, 5-нд төвийн аймгуудын нутгийн өмнөд, говийн аймгуудын нутгийн хойд, зүүн аймгуудын нутгийн баруун өмнөд хэсгээр ахиухан хэмжээний нойтон цас орж, ихэнх нутгаар сэрүүсэхийг анхааруулж байна.
Иймд малчид, тээвэрчид, тариаланчид та бүхнийг:
- Цаг агаарын мэдээ, мэдээллийг тухай бүрд хүлээн авах, ажил, амьдралдаа хэрэгжүүлэх,
- Дулаан хувцаслах, хувийн бэлтгэл, бэлэн байдлыг хангах,
- Хол, ойрын замд гарахдаа автомашин техник хэрэгслийг аюулгүй байдлыг хангах, шатахууны нөөцтэй зорчих,
- Малаа ойрын бэлчээрт бэлчээх, бага насны хүүхэд, өндөр настанг малд явуулахгүй байх,
- Тэнгэрийн байдлыг шинжиж, ажлаа төлөвлөх,
- Холбогдох байгууллагаас гаргаж байгаа заавар, зөвлөмжийг цаг тухай бүрд хүлээн авч, хэрэгжүүлэхийг анхааруулж байна.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
