Үхрийн булчин мах нь хүний биеийн холбоос, арьс, ясыг дэмждэг гол уургийг агуулсан коллагенаар баялаг хүнс юм.

Тиймээс долоо хоногийн 2-3 өдөрт булчин махыг хүнсэндээ хэрэглэх нь  эрүүл, тэнцвэртэй хооллолтод ордог бөгөөд үхрийн булчин мах нь хамгийн их уурагтай,  өөх тосны агууламж хамгийн бага байдаг.

Тэгвэл гарал үүсэл тодорхой, антибиотикийн үлдэгдэлгүй, үйлдвэрлэлийн цэвэр орчинд ангилан, хэрэглэхэд хялбараар бэлтгэж, гадны бохирдлоос сэргийлэн вакумдаж савласан Монбийф брэндийн үхрийн булчин мах худалдаанд гарч эхэллээ.

 

Коллагенаар баялаг үхрийн булчин махны эрүүл мэндэд үзүүлэх ашиг тус:

1. Үе мөчний үйл ажиллагааг дэмжинэ: Коллаген нь үе мөчний зөөлөн эдийн бүтцэд чухал үүрэг гүйцэтгэдэг. Тиймээс коллаген ихтэй хоол хүнс хэрэглэснээр үе мөчний өвдөлтийг бууруулж, хөдөлгөөний чадамжийг сайжруулан элэгдлийг багасгахад тустай.
2. Жингийн зохицуулалт: Коллаген нь уураг ихтэй тул цадсан мэдрэмжийг удаан хугацаанд хадгалахад тусалдаг.
3. Ясны бат бөх байдлыг дэмжинэ: Коллаген нь ясны бүтцийн чухал хэсэг бөгөөд “коллагены дутагдал” нь яс сийрэгжих гол шалтгаан болдог. Иймээс коллаген ихтэй хоол хүнс нь ясны нягтыг сайжруулж, ясны эрүүл мэндийг дэмжихэд тусална.
4. Булчин сэргээж, ургалтыг дэмжинэ: Коллаген нь булчингийн эдийг нөхөн сэргээх, ургалтыг дэмжихэд шаардлагатай амин хүчлүүдийг агуулж,  булчингийн массыг хадгалахад тустай.

 

5. Гэдэсний салст бүрхэвчийг дэмжинэ: Гэдэсний бүрхэвчийг хамгаалан, үрэвслийг багасгаж, шим тэжээлийг шингээх үйл ажиллагааг сайжруулахад хувь нэмэр оруулдаг.
6. Шархны эдгэрэлтийг дэмжинэ: Коллаген нь шинэ эд эс үүсэхэд чухал үүрэгтэй бөгөөд шарх эдгэрэх үйл явцад тусалдаг.
7. Артерийн судсыг дэмжинэ: Артерийн судсанд уян хатан чанарыг хадгалахад тусалдаг бөгөөд энэ нь зүрхний өвчлөлөөс сэргийлэхэд чухал үүрэгтэй.

Иймд коллаген агуулсан үхрийн булчин махыг хоол хүнсэндээ тогтмол хэрэглэснээр эрүүл мэнддээ эерэг нөлөө үзүүлэх боломжтой.