"Өнгөрсөн жилийн үерээр Акуа гардены баруун талын зам дээгүүрх гүүрний хоёр амсраар ус хальж байсан юм. Уг гүүрэнд босоо түшиц хана цутгана"
Хан-Уул дүүргийн нутаг дэвсгэрт баригдаж буй Акуа гарден хорооллын зүүн талд үерийн даланг хүчитгэнэ гэж албаны хүн мэдээлээд буй.
Энэ нь ямар учиртайг Геодези, усны барилга, байгууламжийн газар ОНӨААТҮГ-ын Засвар, ашиглалтын албаны дарга Б.Бямбасайханаас тодруулахад "Акуа гарден хорооллын баруун талын авто зам дээгүүрх гүүрийг хүчитгэх юм. Өнгөрсөн жил болсон үерээр уг гүүрний хоёр амсраар ус хальж байсан.
Төв талбайгаас холбогддог 4 дүгээр коллектороос ус хальж хүүхдийн парк, Петровис руу орсон. Тиймээс ус халих эрсдэлээс хамгаалж уг гүүрний хоёр талд босоо түшиц хана цутгана. Өөрөөр хэлбэл үерийн үеэр ус хальсан байгууламжаа засаж байгаа юм.
Энэ нь Акуа гарден хорооллыг нураахтай холбоогүй ажил" гэж тайлбарлалаа.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
