Япон улсад сурагч солилцооны хөтөлбөрт хамруулах сонгон шалгаруулалт зарлагдлаа

Япон улсын Шизүока мужид сурагч солилцооны тав хоногийн хөтөлбөрт хамрагдах сурагчдын сонгон шалгаруулалтыг зарлажээ.

Тус хөтөлбөрт өмнө нь Японд зорчиж байгаагүй, 16-18 настай буюу ерөнхий боловсролын сургуулийн 10-12 дугаар ангийн сурагчид хамрагдах боломжтой. 

Бүрдүүлэх баримт бичгийн жагсаалт:

• Гадаад паспортын хуулбар
• Эсээ

Эсээнд тавигдах шаардлага:

• 400 үгэнд багтаах;
• Сонгосон сэдвийн хүрээнд бичих;
• Өөрийн байр суурь, санаагаа товч, тодорхой, ойлгомжтой илэрхийлэх;
• Баримт, нотолгоо, жишээ ашиглах;
• Ашигласан ном, зохиол, эх сурвалжаа дурдах.

Эсээний сэдэв:

• Дэлхийн иргэн гэж миний бодлоор
• Зайны сургалтад хамрагдсан миний туршлага
• Уур амьсгалын өөрчлөлт манай сургуульд
• Хэрвээ шидтэн байсан бол сургуулиасаа халмаар санагддаг соёлууд
• Ирээдүйн тухай миний бодол

Эх сурвалж: Боловсролын Яам