"Төв цэнгэлдэх хүрээлэнгээс гарах дуу чимээг тусгаарлах орчин үеийн шийдлийг ашиглана"
GMP олон улсын архитектур, инженерингийн компанийн удирдлага мэргэжилтнүүд төв цэнгэлдэх хүрээлэнд ажиллаж байна.
Төв цэнгэлдэх хүрээлэнгийн орон сууцнуудаар хүрээлэгдсэн байршил мөн 12.8 га талбай зэрэгт тааруулж доороо автомашины зогсоол, үйлчилгээний төвтэй мөн нийтийн тээврийн болон явган хүний орц гарц сайн байхаар төлөвлөжээ.
Мөн 30,000 хүний суудалтай дөрвөн улирал ашиглах боломжтой, дуу тусгаарлагчтай, онгойж хаагддаг дээвэртэй байх юм байна.
Барилгын явц гурван жил, зураг төслийн хугацаа 9-10 сар гэсэн тооцоо гарч байгаа бөгөөд нийтдээ 3-4 жилийн дотор хийж гүйцэтгэх төлөвлөгөөтэй ажиллаж байгаа аж.
GMP олон улсын архитектур, инженерингийн компанийн мэргэжилтнүүд "Төв цэнгэлдэх хүрээлэн нь хотын төвд байршилтай байгаа нь хотын иргэдтэй ойрхон, хүрэлцээтэй байдгаараа давуу талтай юм.
Төв цэнгэлдэх хүрээлэнгээс гарах дуу чимээг тусгаарлах, хязгаарлах орчин үеийн шийдлүүд байдаг. Бид орчин үеийн шийдлүүдийг нэвтрүүлэхийг зорьж байгаа. Жишээ нь аюулгүй байдал, хамгаалалтын үйлчилгээ нь орчин үеийн түвшинд хүрч болно. Цэнгэлдэх хүрээлэнг хотоос гаргах нь үр өгөөжгүй" гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
