Ж.Энхжаргалан: "Төв цэнгэлдэх хүрээлэн" ХХК-ийн гүйцэтгэх захирлын ажлаа албан ёсоор хүлээлгэж өглөө
"Төв цэнгэлдэх хүрээлэн" ХХК-ийн гүйцэтгэх захирал Ж.Энхжаргалан өнөөдөр ажлаа албан ёсоор хүлээлгэн өгч байгаагаа цахим хуудсаараа дамжуулан мэдэгдэв.
Ажлаа хүлээлгэн өгч байгаа үндэслэлээ тэрбээр "Есдүгээр сарын 7-нд хийх XMF хөгжмийн наадмаа найм дахь жилдээ хийнэ. Стадионд жил бүр шинэ стандартыг тогтоож тоглолтын найруулга зохион байгуулалтыг бүхэлд нь хариуцаж хийдэг тул давхар Стадионы гүйцэтгэх захирал хийх нь зохимжгүй байв. Албан тушаал гэдэг халаатай, ээлжтэй. Дараа үеэ бэлдэж явах нь удирдагч хүний гол үүрэг. Тулах цэг итгэл өгвөл манай үеийн залуус юуг хийх чадамжтай гэдгийг бас харуулсан байхаа" гэжээ.
Ж.Энхжаргалан нь 2024 оны дөрөвдүгээр сард дээрх албан тушаалд томилогдож байв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
