Буриад улсын тэргүүн "Алтаргана 2024" наадмыг сонирхохоор Булган аймагт очив
“Алтаргана 2024” олон улсын Буриад зоны наадмыг энэ сарын 26-28-ны өдрүүдэд Булган аймагт зохион байгуулж буй.
Тус наадмын үзэж сонирхохоор ОХУ-ын Бүгд Найрамдах Буриад Улсын тэргүүн Алексей Самбуевич Цыденов Засгийн газрын төлөөлөгчдийнхөө хамтаар Булган аймагт очжээ. Түүнийг аймгийн Засаг дарга Б.Ариун-Эрдэнэ, ИТХ-ын дарга Д.Эрдэнэбат нар угтан авсан байна.
Алексей Самбуевич Цыденов нь буриад гаралтай Оросын улс төрч бөгөөд 2017 оны хоёрдугаар сарын 7-нд ОХУ-ын ерөнхийлөгч Владимир Путиний зарлигаар Бүгд Найрамдах Буриад Улсын тэргүүнээр томилогдож байжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
