Сүлжээ авто засварын төв ПРИУС ЦЕНТР ХАБЭА-н ISO 45001:2018 стандартыг нэвтрүүлж эхэллээ

Чанарыг эрхэмлэгч Сүлжээ авто засварын төв ПРИУС ЦЕНТР нь 2024 оны 6-р сард ISO 9001:2015 стандартыг нэвтрүүлж, амжилттай баталгаажуулалт хийлгэн гэрчилгээгээ гардан авсан. Энэ удаа Хөдөлмөрийн аюулгүй байдал, эрүүл ахуйн удирдлагын тогтолцооны олон улсын стандарт 45001-ийг нэвтрүүлэхээр мэргэжлийн зөвлөх үйлчилгээ эрхэлдэг “Ололт Амжилтын Түлхүүр” ХХК-тай хамтран ажиллах гэрээ үзэглэлээ.

 

Приус маркийн авто машины засвар үйлчилгээ, сэлбэг худалдаагаар дагнан ажилладаг 12 салбартай Приус Центр нь Хас Банкнаас зарласан “Жижиг, дунд бизнесүүдэд ISO стандарт нэвтрүүлэх хөтөлбөр”-т шалгарсан 16 аж ахуйн нэгжийн нэг юм.

 

ISO 45001 стандартыг нэвтрүүлснээр ажилчид үйлдвэрийн осол гэмтлээс сэргийлэх, ажлын орчинд үүсэх магадлалтай өвчин, эрүүл мэндийн асуудлуудаас урьдчилан сэргийлэх, ажлын орчинд тулгарах бүхий л эрсдэлийг бууруулах, эрүүл аюулгүй орчинд ажиллах тогтолцоог бий болгох юм.

Бүрэн Итгэл – Бидний Туршлага уриатай Приус Центр автомашины засвар үйлчилгээний салбарын үйлчилгээний стандартыг ахиулан, хэрэглэгч үйлчлүүлэгч нартаа чанартай үйлчилгээ хүргэхээр үйл ажиллагаагаа улам өргөжүүлсээр байна.