Нарны гүүрний урд хэсэгт тогтсон усыг соруулж байна
Үргэлжлэн орсон борооны улмаас “Алтай” хотхоны явган хүний гүүрэн гарцын доор тогтсон усыг 400-600 шоо метр ус соруулах хүчин чадалтай помпоор Геодези, усны барилга байгууламжийн газраас яг одоо соруулж байна.
Тус авто зам нь ус зайлуулах шугам хоолойгүй аж. Нарны гүүрний доод талд 300-гийн хаялгын шугам байдаг ба түүнийг 500-гийн шугамаар солиод явж байгаа аж.
Алтан хотхоны доод талын шугамыг нэг компани тастаад хаячихсан. Байшин барилга барихдаа борооны ус зайлуулах шугамуудыг эвдээд, шороогоор дарчихдаг асуудал байна гэдгийг Улаанбаатар хотын ерөнхий менежер Ц.Төрхүү хэлж байв.
Улаанбаатар хот 1,250 км хатуу хучилттай авто замтайгаас 70 орчим хувь нь ус шүүрүүлэх худаг, зайлуулах шугамгүй. Их хэмжээний бороо ороход ус зайлуулах шугам хоолойгүй зарим байршилд ус ихээр тогтдог юм.
Одоогийн байдлаар нийтдээ 12 байршилд ус зайлуулах шугам хоолойг хийж байгаа ба наймыг нь дуусгаад байгаа юм байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
