"Долдугаар сарын 11-нд Хөвсгөл, Архангай, 12-нд Хөвсгөл, Булган, Сэлэнгэ, Төв аймгийн нутгаар усархаг бороо орно"
Наадмын өдрүүдийн цаг агаарын мэдээллийг Цаг Уур, Орчны Шинжилгээний Газар (ЦУОШГ)-ын ахлах мэргэжилтэн О.Оюунчимэг танилцууллаа.
- Долдугаар сарын 10-нд Алтай, Хангай, Хөвсгөл, Хэнтийн уулархаг нутгаар
- Долдугаар сарын 11-нд баруун аймгуудын хойд, төвийн аймгуудын ихэнх, говь болон зүүн аймгуудын зарим газраар
- Долдугаар сарын 12-нд баруун болон говийн аймгуудын зарим, төвийн аймгуудын ихэнх, зүүн аймгуудын баруун хэсгээр
- Долдугаар сарын 13-нд Алтай, Хангай, Хэнтийн уулархаг нутаг, Хэрлэн, Онон, Улз голын хөндийгөөр
- Долдугаар сарын 14-нд төвийн аймгуудын баруун болон өмнөд хэсэг, говийн аймгуудын зарим, зүүн аймгуудын өмнөд хэсгээр бороо, дуу цахилгаантай аадар бороо орно.
Салхи: Борооны өмнө салхи ширүүснэ.
Агаарын температур: Өнөө, маргаашдаа ихэнх нутгаар халах боловч долдугаар сарын 11-нд нутгийн баруун хойд хэсгээр 12-нд нутгийн хойд хэсгээр, 13-нд нутгийн зүүн хойд хэсгээр 3-8 градусаар сэрүүснэ.
Баяр наадмын өдрүүдээр буюу долдугаар сарын 11-нд Хөвсгөл, Архангай, 12-нд Хөвсгөл, Булган, Сэлэнгэ, Төв аймгийн нутгаар усархаг бороо орно.
Иймд иргэд мөндөр, нөөлөг салхи, аянга цахилгаан, үер усны аюулаас сэрэмжтэй байхыг анхааруулж байна.
Долдугаар сарын 8-ны байдлаар Лүн сум орчимд Туул голын үерийн түвшнийг 30 см-ээр давсан.
Долдугаар сарын 10, 11-нд Хэрлэн гол үерийн түвшнийг 10 см-ээр давах магадлалтай.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
