Улсын нэгдсэн төсвийн зарлага, эргэж төлөгдөх цэвэр зээлийн хэмжээ энэ оны эхний дөрвөн сард 7.8 их наяд төгрөгт хүрч, өмнөх оны мөн үеэс 2.2 (38.7%) их наяд төгрөгөөр өсжээ.
Зарлага өсөхөд бараа үйлчилгээний зардал өмнөх оны мөн үеэс 1.3 (98.7%) их наяд төгрөгөөр, хөрөнгийн зардал 385.0 (57.4%) тэрбум төгрөгөөр өссөн нь нөлөөлсөн байна гэж ҮСХ-ноос мэдээлэв.
Хөрөнгийн зардал энэ оны эхний дөрвөн сард 1.1 их наяд төгрөгт хүрч, өмнөх оны мөн үеэс 385 (57.4%) тэрбум төгрөгөөр өссөн бөгөөд барилга байгууламжийн зардал өмнөх оны мөн үеэс 377.8 (94.6%) тэрбум төгрөгөөр, тоног төхөөрөмжийн зардал 23.2 (16.8%) тэрбум төгрөгөөр өссөн нь нөлөөлжээ.
Харин бусад хөрөнгийн зардал 32.1 (27.2%) тэрбум төгрөгөөр буурсан байна.
Эх сурвалж: Үндэсний Статистикийн Хороо
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!