Музейн нээлттэй өдрүүдийн эхний гурав хоногт 26,000 гаруй иргэн музей үзжээ
Монгол орон даяар үргэлжилж буй музейн нээлттэй өдрүүдийн эхний гурав хоногт 26,422 иргэн музейд зочлоод байгаа талаар Соёлын Яамнаас мэдээллээ.
Үүнээс 10,133 нь том хүн, 10,575 нь хүүхэд байгаа бол 107 тусгай хэрэгцээт иргэн, 1,963 оюутан, 1,196 ахмад настан музейд зочилж ёс заншлын сэдэвтэй тусгай үзэсгэлэнг үзэж, боловсролын хөтөлбөрт хамрагдсан байна.
Музейн нээлттэй өдрүүд орон даяар энэ сарын 7-ны өдрийг дуустал үнэ төлбөргүй үргэлжилж байгаа юм. Үнэгүй үйлчилж буй музей дундаас Байгалийн түүхийн музейг хамгийн их буюу 5,948 хүн үзээд байгаа аж.
Харин 21 аймагт үнэгүй үйлчилж буй музейг нийт 6,544 хүн үзжээ.
Музейнүүдээс гадна Монголын уран зургийн галерей мөн үнэ төлбөргүй үйлчилж байгаа юм байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
