Төгрөгийн юаньтай харьцах сарын дундаж ханш 2.49-өөр сулрав
Гадаад валютын ханшийн талаар Үндэсний Статистикийн Хороо(ҮСХ)-ноос өнөөдөр мэдээлэл өглөө.
Энэ тухай ҮСХ-ны Мөнгө, санхүү, үйлчилгээний статистикийн хэлтсийн дарга Л.Энхбаатар "Монголбанкнаас зарласан төгрөгийн ам.доллартой харьцах сарын дундаж ханш 2023 оны арванхоёрдугаар сарын байдлаар 3,421.21 төгрөг болж, өмнөх оны мөн үеэс 10.08 төгрөгөөр, өмнөх сараас 19.4 төгрөгөөр чангарсан байна.
Юаньтай харьцах сарын дундаж ханш 478.75 төгрөг болж өмнөх оны мөн үеэс 12.91 төгрөгөөр чангарч, өмнөх сараас 2.49 төгрөгөөр суларсан үзүүлэлттэй байна.
Рубльтэй харьцах сарын дундаж ханш 37.62 төгрөг болж, өмнөх оны мөн үеэс 13.74 төгрөгөөр, өмнөх сараас 0.52 төгрөгөөр чангарсан" гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
