ГРАФИК: Америкийн хөрөнгийн зах зээл дээрх "Гайхамшигт долоон" хувьцаа
Энэ оны эхээр Bank of America-ийн шинжээч Майкл Хартнетт Америкийн хөрөнгийн зах зээл дээрх хамгийн үнэ цэнтэй 7 компанийн хувьцааг нэрлэж, 1960-аад оны ижил нэртэй киноноос санаа аван "Гайхамшигт долоо" гэсэн шинэ нэршил оруулж иржээ.
Google Finance болон CompaniesMarketCap-ийн өгөгдлийг ашиглан 2023 оны 11-р сарын 6 өдрийн байдлаар Гайхамшигт Долоогийн зах зээлийн үнэлгээ болон 5 жилийн хувьцааны өсөлтийг графикаар үзүүлж байна.
Гайхамшигт долоод хиймэл оюун ухаан, үүлэн тооцоолол, хамгийн сүүлийн үеийн техник хангамж, программ хангамж зэрэг технологийн өсөлтийн чиг хандлагад анхаарлаа төвлөрүүлж, хөрөнгө оруулалт хийдэг дэлхийн хэмжээний аварга компаниудын хувьцаа нэрлэгджээ.
| # | Компани | Үнэлгээ | 5 жилийн өөрчлөлт |
|---|---|---|---|
| 1 | Apple | $2.8 trillion | +250% |
| 2 | Microsoft | $2.6 trillion | +224% |
| 3 | Alphabet | $1.6 trillion | +141% |
| 4 | Amazon | $1.4 trillion | +63% |
| 5 | Nvidia | $1.1 trillion | +783% |
| 6 | Meta | $811 billion | +118% |
| 7 | Tesla | $690 billion | +829% |
FAANG(Facebook, Apple, Amazon, Netflix,Google) хувьцааны дөрөв нь Гайхамшигт долоо жагсаалтад байгаа бөгөөд нэмэгдээд Nvidia, Tesla, Microsoft компаниудын хувьцаа багтжээ.
Гайхамшигт долоо нь S&P 500-ийн дөрөвний нэгээс илүүг, Nasdaq 100-ийн талаас илүү хувийг бүрдүүлдэг.
Үүний зэрэгцээ, эдгээр долоон компанийн тав нь триллион долларын клубт(зах зээлийн үнэлгээ нь нэг их наяд ам.доллароос дээш) багтдаг бөгөөд Nvidia хамгийн сүүлд энэ клубийн гишүүн болжээ.
Эх сурвалж: visualcapitalist.com
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
5 СЭТГЭГДЭЛТЭЙ
|
