"Цэргийн амь нас хохирдог тухай 2021 онд Ерөнхийлөгч Х.Баттулга болон ЗГ-т өгсөн чиглэлийн дагуу хяналтаа тавина"
УИХ дахь АН-ын бүлгээс өнөөдөр хэвлэлийн хурал зохион байгууллаа. Энэ үеэр цэрэг амь алдсан асуудлаар байр сууриа илэрхийлэв.
Бүлгийн дарга О.Цогтгэрэл "УИХ дахь АН-ын бүлгээс Батлан хамгаалахын сайдад хариуцлага тооцох, сайдынхаа оронд иргэний төлөөлөл ажиллах нь зүйтэй гэсэн байр суурьтай байна. Энэ талаар бодлого боловсруулж ажиллана" гэв.
УИХ-ын гишүүн С.Одонтуяа "Цэргийн амь нас хохирсон асуудалд бүлгээс шүүмжлэлтэй хандаж байгаа.
2021 оны гуравдугаар сарын 31-ний өдөр АН-ын бүлгийн зүгээс тоот албан бичгийг ЗХЖШ руу явуулахдаа уг асуудлыг хөндсөн. Үүний дагуу Хүний эрхийн дэд хороог яаралтай хуралдуулсан. Хүний эрхийн дэд хорооноос цэргийн амь нас хохирдог, хүний эрхийн зөрчил их байна гэж үзээд тухайн үеийн Монгол Улсын Ерөнхийлөгч Х.Баттулга болон Засгийн газарт чиглэл хүргүүлсэн байдаг. Энэ чиглэлийн дагуу хяналтаа тавина" хэмээн хэллээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
