Удаа дараа өгсөн ажилд орох хүсэлтийг нь шийдвэрлээгүйд бухимдсан эмэгтэй өөрийгөө шатаана гэж цэцэрлэгийн эрхлэгчийг сүрдүүлжээ
Цагдаагийн байгууллагад 2023 оны есдүгээр сарын 13-ны өдөр Баян-Өлгий аймгийн Ногоон нуур сум, Цагаан нуур тосгонд "Эмэгтэй хүн өөрийгөө шатаахыг завдсан" гэх дуудлага, мэдээлэл бүртгэгдсэн.
Тус аймгийн цагдаагийн газраас шалгахад 36 настай эмэгтэй цэцэрлэгийн дээвэр дээр гарч, улмаар өөрийнхөө бие дээр шатахуун цацаж шатаана хэмээн сүрдүүлсэн үйлдлийг таслан зогсоож шалгалтын ажиллагаа явуулж байгаа аж.
Тухайн эмэгтэй Захирагчийн ажлын алба, цэцэрлэгийн эрхлэгч нарт 2020 оноос хойш зургаан удаа ажилд орох хүсэлт өгснийг шийдвэрлээгүй, өөр хүмүүсийг ажилд томилсонд бухимдан цэцэрлэгийн эрхлэгчийг айлган сүрдүүлэх зорилгоор ийм үйлдэл хийсэн байна гэж Цагдаагийн Ерөнхий Газраас мэдээлэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
