Нүүрсний гэх хэрэгтэй холбоотойгоор Монгол Улсаас хулгайлагдсан хөрөнгийг буцаахад Казахстаны талтай хамтарна
"Нүүрсний" гэх хэрэгт холбогдсон зарим нэр бүхий этгээдийн Казахстан руу хууль бусаар шилжүүлсэн их хэмжээний нуугдмал хөрөнгийг Авлигатай Тэмцэх Газар(АТГ) илрүүлэн шалгаж байгаа.
Тодруулбал, Тавантолгой компанид хэлтсийн даргаар ажиллаж байсан хүн Казахстан улсад орон сууцны хороолол барьж байгаа талаар УИХ-ын гишүүн О.Цогтгэрэл хэлж байв.
Тэгвэл АТГ-ын дэд дарга Г.Азжаргал Казакстаны авлигатай тэмцэх байгууллагын дарга Асхат Жумагалитай уулзаж, хамтран ажиллах тухай харилцан ойлголцлын санамж бичигт гарын үсэг зуржээ.
Ингэснээр Монгол Улсаас хулгайлагдсан хөрөнгийг буцаахад хоёр тал хамтрахаар болж байгаа гэдгийг тус газрын Хэвлэлийн төлөөлөгч мэдэгдэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
