"Таван Богд Фүүдс Пицца" ХХК буюу Пицца Хат брэнд Монгол Улсын ТОП-100 аж ахуйн нэгжээр тодорлоо

Монгол Улсын Засгийн газар, Монголын Үндэсний Худалдаа Аж Үйлдвэрийн Танхимаас жил бүр тодруулдаг ТОП-100 аж ахуйн нэгжээр "Таван Богд Фүүдс Пицца" ХХК буюу Пицца Хат брэнд шалгарлаа.

 

ТОП 100 ААН-ийг эрэмбэлэхдээ Сангийн яам, Татварын ерөнхий газар, Гаалийн ерөнхий газар, Нийгмийн даатгалын ерөнхий газрын албан ёсны мэдээ, тайлан, тоон үзүүлэлтэд тулгуурлан ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн хэмжээ, шинээр бий болгосон ажлын байр гэсэн үндсэн үзүүлэлтийг чухалчилдаг.

Таван Богд Фүүдс Пицца ХХК нь нийгмийн хариуцлагыг эрхэмлэгч брэнд бөгөөд тогтвортой хөгжлийн бодлогын хүрээнд “Equal slice for everyone” буюу “Илүү биш, Ижил Боломж” уриан доор нийгэмд чиглэсэн олон кампанит ажлуудыг амжилттай хэрэгжүүлсээр байна. Тус ажлуудаас дурдвал:

Хүүхдийн музей ДҮДҮ-г аврах аянд нэгдэж нийт 48 сая төгрөгийн хөрөнгө оруулалтыг хийж музейн хэвийн ажиллагааг үргэлжлүүлэн хүүхэд багачуудынхаа очих дуртай газруудын нэгийг бүтээлцсэн юм.

2ш MAGIC BOX контейнер номын санг 100% санхүүжүүлж, Улаанбаатар хот болон Увс аймгийн хүүхэд багачууддаа тав тухтай орчинд өөрсдийн чөлөөт цагаа үр бүтээлтэй өнгөрүүлэх НОМЫН САНГ бэлэглэв.

ТАЛАРХЛЫН АЯН - улирал бүр зохион байгуулж, хэрэглэгчдийнхээ дунд санал асуулга явуулж, хэрэгцээт зорилтот бүлгийн хүмүүстээ амтат халуун пиццагаараа хэрэглэгчдийнхээ өмнөөс талархлаа илэрхийлдэг билээ.

СУРГАЛТЫН ТЭТГЭЛЭГ - Оюутан залуустаа цагаар ажиллах боломжийг олгодог ба тус оюутан ажилтнуудаасаа нийт 4 шилдэг оюутан ажилчдадаа бүтэн жилийн 100% сургалтын тэтгэлэг олгов.

 

Мөн сурахынхаа хажуугаар ажил орлоготой байхыг хүсэж буй оюутан залуустаа зориулан Pizza Hut брэнд “ОРЛОГОТОЙ ОЮУТАН, ЦАЛИНТАЙ ЗАЛУУС’’ хөтөлбөр хэрэгжүүлж гэртэйгээ ойрхон салбарт уян хатан цагийн хуваариар ажиллах боломжоор ханган ажилладаг байна. Мөн сурахынхаа хажуугаар ажил орлоготой байхыг хүсэж буй оюутан залуустаа зориулан Pizza Hut брэнд “ОРЛОГОТОЙ ОЮУТАН, ЦАЛИНТАЙ ЗАЛУУС’’ хөтөлбөр хэрэгжүүлж гэртэйгээ ойрхон салбарт уян хатан цагийн хуваариар ажиллах боломжоор ханган ажилладаг байна.

 

Таван Богд Фүүдс Пицца  ХХК нь 2014 оны 7 сарын 14-ний өдөр олон улсын сүлжээ Pizza Hut брэндийн анхны салбараа амжилттай нээж 9 дэх жилдээ тасралтгүй үйл ажиллагаагаа явуулж байгаа бөгөөд өнөөдрийн байдлаар нийт 20 салбар, 600 гаруй ажиллагсадтай хоол, хүнс үйлдвэрлэлийн салбарт тэргүүлэгч компаниудын нэг болжээ.