МУИС-ийн сургалтын болон дотуур байрны төлбөр нэмэгджээ
Монгол Улсын Их Сургууль (МУИС)-ийн Удирдах зөвлөл хоёрдугаар сарын 14-ний өдөр хуралдаж, оюутнуудын сургалтын төлбөрийг нэмэх шийдвэр гаргажээ.
Ингэснээр 2023-2024 оны хичээлийн жилд бакалавр, магистрын түвшний сургалтын төлбөрт өөрчлөлт орсон байна.
Тухайлбал,
- МУИС-ийн Шинжлэх Ухааны Сургуулийн мэргэжлийн суурь болон мэргэжлийн хичээлийн нэг багц цаг 119,000 төгрөг
- МУИС-ийн Шинжлэх Ухааны Сургуулийн ерөнхий суурь хичээлийн нэг багц цаг 123,300 төгрөг
- МУИС-ийн Бизнесийн сургуулийн мэргэжлийн суурь болон мэргэжлийн хичээлийн нэг багц цаг 142,800 төгрөг
- МУИС-ийн Бизнесийн сургуулийн ерөнхий суурь хичээлийн нэг багц цаг 123,300 төгрөг болжээ.
Түүнчлэн тус сургуулийн магистр, докторт суралцаж буй оюутнуудын сургалтын төлбөр ч шинэчлэгджээ. Тодруулбал,
- Бүрэлдэхүүн сургуулийн магистрын түвшний сургалтын нэг багц цагийн төлбөр 172,600 төгрөг
- Бүрэлдэхүүн сургуулийн докторт суралцаж буй оюутнуудын нэг багц цагийн төлбөр 193,300 төгрөг
- Докторын диссертаци 240,500 төгрөг болсон байна.
Өнгөрсөн онд дотуур байрны жилийн төлбөр 780,000 байсан бол тогтоол батлагдсанаар 897,000 төгрөг болж өсөв. Өөрөөр хэлбэл, МУИС-ийн дотуур байрны төлбөр 117,000 төгрөгөөр буюу 13%-аар нэмэгджээ.
МУИС-ийн нэг багц цагийн хичээл, дотуур байрны төлбөрийн дэлгэрэнгүйг дараах мэдээллээс харах боломжтой.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
5 СЭТГЭГДЭЛТЭЙ
|
