IMDb /Internet Movie Database / нь кино урлагийн мэдээллийг бүхэлд нь агуулсан аварга том мэдээллийн сан юм. Өөр үгээр хэлбэл IMDb нь “киноны нэвтэрхий толь” гэж ойлгож болох юм. Уг сайтыг сар тутам ойролцоогоор 200 сая гаруй хүн үзэж сонирхдог бөгөөд маш олон хэрэглэгчдийн оролцоотой киноны үнэлгээ, эрэмбийг 10 хүртэлх оноогоор гаргадаг тул дэлхийн хамгийн бодит шалгаруулалтын нэг гэж зүй ёсоор үздэг.

Тэгвэл энэхүү IMDb-н өндөр үнэлгээтэй, онцлох 10 Хятадын цуврал кинонуудыг танилцуулъя.

Love Like the Galaxy (8.5)

Жанр: Улс төрийн, түүхэн, романтик

 

Бяцхан Чэн Шао Шаны эцэг, эх дайнд тулалдахаар явж, түүнийг хорон санаат авга эгч, эмээ нь өсгөх болно. Олон жилийн дараа түүний эцэг эх эргэн ирж хамт амьдрахаар болсон ч удаан хугацаанд хол байсан тэд дахин нэг гэр бүл болж амьдрахад хэцүү болжээ. Бүхий л амьдралынхаа турш хайраар дутаж өссөн Чэн Шао Шан хүчирхэг жанжинтай тааралдаж, анхны харцаар дурладаг бөгөөд тэдний учрал нууцлаг, адал явдлаар дүүрэн байх болно.

Сонирхуулахад тус киноны нэг ангийн үзэлт нь 200 саяд хүрч Хятадын кино урлагийн түүхэнд рекорд тогтоож байсан бол хоёрдугаар улирлын үзэлт 300 сая давж дахин рекорд тогтоож байжээ.

The Bad Kids (8.2)

Жанр: Гэмт хэрэг, триллер

 

Хятадын алдарт зохиолч Зи Жинченийн (Zi Jinchen) 2014 онд гаргасан "Bad Kid" романаас сэдэвлэн бүтээсэн тус кино нь бага насны 3 хүүхэд санамсаргүй байдлаар хүн амины хэргийн гэрч болж буй үйл явдлаар эхэлдэг. Энэ хэрэг харагдаж байгаагаасаа хамаагүй хүнд, төвөгтэй хэрэг бөгөөд тус хэргээс болж хэд хэдэн гэр бүл хүндхэн байдалд орж, таамаглашгүй үр дагавруудтай учирна.

Уг цуврал нь гарсан даруйдаа үзэгчдийг байлдан дагуулж, кино шүүмжлэгчдээс өндөр үнэлгээ авсан бөгөөд Хятадын кино урлагийг цоо шинэ, өөр түвшинд гаргасан кино гэж хилсдэхгүй.

The Long Ballad (8.3)

Жанр: Түүхэн, адал явдалт, романтик

 

"The Long Ballad" цувралыг 2011 онд олны хүртээл болсон ижил нэртэй зурагт номоос сэдэвлэн бүтээсэн бөгөөд уг цувралд Тан улсын эхэн үеийн хаан ширээний төлөөх тэмцэл, урвалт, өшөө авалтын тухай харуулдаг.

Энэхүү кино нь 2021 оны Хятад, Америкийн кино наадамд /CAFF/ гол дүрийн жүжигчин Дилраба Дилмурат (Ли Чанге) “Golden Angel” шагналд хүртэж, телевизийн шилдэг цувралаар шалгарсан юм.

You are My Glory (8.3)

Жанр: Инээдмийн, романтик

 

Ман Гүгийн бичсэн ижил нэртэй зохиолоос сэдэвлэсэн уг жүжиг нь алдартай жүжигчин Цяо Жинжин болон түүний ахлах сургуулийн ангийн анд Ю Ту хоёр санаанд оромгүй байдлаар дахин учирч нэгэндээ сэтгэлтэй болж буй тухай өгүүлдэг. Тус цувралд и-спортын талаар гардгаараа бусад цувралуудаас онцлог бөгөөд гол дүрүүдэд Хятад драмын “хаан, хатан” гэгддэг Ян Ян (Yang Yang), Дилраба Дилмурат (Dilraba Dilmurat) жүжигчид тоглосон билээ.

Уг цуврал нь 2021 оны 7 сарын 26-нд анх цацагдсанаас хойш 3 цагийн дотор 100 сая үзэлт хүрсэн бол тус оны оны 8-р сарын 20-ны байдлаар 4 тэрбум үзэлттэй болж түүхэнд бичигдэхүйц том амжилтыг үзүүлжээ.

Put Your Head on My Shoulder (8.1)

Жанр: Романтик, инээдмийн

 

Киноны гол дүрийн эмэгтэй болох Си Ту Мо нягтлан бодох бүртгэлийн төгсөх курсийн оюутан. Төгсөлт ойртох тусам тэрбээр ирээдүйнхээ талаар санаа зовних бөгөөд энэ үед тэрбээр физикийн ангийн суут оюутан Гу Вэй Итэй танилцаж, санамсаргүй байдлаар хамтдаа амьдрах болно. Гу Вэй И толгой сайтай, царайлаг төрхөөрөө охидын дунд алдартай ч бусадтай харьцах тал дээр бага зэрэг асуудалтай нэгэн. Гу Вэй И болон Си Ту Мо хоёр нэгэндээ сэтгэлтэй болж байгаа үйл явдал өхөөрдөм бөгөөд хөгжилтэй байдлаар өрнөх болно.

The Princess Weiyoung (7.8)

Жанр: Түүхэн, улс төрийн, романс

 

Хойд Вэй улс нэгэн шөнө сүйрч, сайхан сэтгэлт гүнж Фэн Шин Эр өнчирч хоцорчээ. Хэдийгээр тэр үхлээс мултарч чадсан ч санамсаргүй байдлаар дайсныхаа нутаг дэвсгэрт нэвтэрч Ерөнхий сайдын охин Ли Вэй Янгийн дүрд хувирдаг тухай өгүүлдэг.

Сонирхуулахад тус цувралын гол дүрийн жүжигчин Луо Жин (Luo Jin), Тиффани Тан (Tiffany Tang) нар 5 дахь удаагийн DramaFever Award-ын үеэр хоёул шилдэг жүжигчний шагналыг хүртсэн бөгөөд 2018 онд хуримаа хийжээ. 

Minning Town (8.5)

Жанр: Драма

 

Энэхүү кино нь Ниншягаас (Ningxia) нүүдэллэн ирж Minning хотыг барьсан тосгоны хүмүүсийн түүхийг өгүүлдэг. /Миннинг нь Хятад улсын Ниншя мужийн Юннинг хошууны захиргаанд харьяалагддаг хот юм./ Засгийн газар хөдөө тосгонд орон сууц барихыг хүсэж Шижи улсын тариачдыг нүүлгэн шилжүүлэхийг оролдох болов ч нөхцөл байдал тэдний санаснаар болдоггүй. Цаг хугацаа өнгөрөхийн хэрээр Мининг хотын өнгө төрх хувьсан өөрчлөгдөж өнөөгийн дүр төрхөө хэрхэн олсон талаар өгүүлнэ.

Энэхүү кино нь IMDb-с 8.5 гэх өндөр үнэлгээ авсан жирийн ард иргэдийн тухай өгүүлэх цөөхөн цувралуудын нэг юм.

Nothing Gold Can Stay (7.9)

Жанр: Намтарчилсан, драма

 

Киноны гол дүр болох Жоу Инг (Zhou Ying) өсгөсөн эцэг нь хүчирхэг Шений гэр бүлд охиноо худалдах боловч тэрээр худалдаачин Ву Пингийн сүйх тэрэг рүү сэмхэн орж зугтдаг. Вугийн гэр бүл Жоу Ингийн хурц ухаан, гайхалтай ажил хэрэгч байдлыг олж харсны дараа түүнийг үлдээхээр болж Ву Пин болон Жоу Ингийн дунд хайр сэтгэлийн холбоо бий болдог. Удалгүй тэд гэрлэж хамтдаа амьдралын төлөө зүтгэх боловч Жоу Инг бэлэвсэрч хоцордог. Ву Пин нас барсны дараа Жоу  Инг түүний бизнесийг удирдаж, олон бэрхшээлийг даван туулж, амжилттай эзэнт гүрэн байгуулж, Шэньсигийн хамгийн баян эмэгтэй болох тухай тус цувралд өгүүлдэг.

Энэхүү киноны албан ёсны хаяг нь Хятадын 2 дахь хамгийн том сошиал медиа платформ болох Weibo сайт дээрх 400,000 дагагчтай болж, кинотой холбогдолтой 3.3 сая бичлэг нь 6.6 тэрбум гаруй үзэлттэй байв.

Ruyi's Royal Love in the Palace (7.8)

Жанр: Түүхэн, драма

 

Ру И бол Чин улсын Тэнгэр тэтгэгч хааны татвар эмсийн нэг. Тэрбээр хааны татвар эмээс хатан хаан болтлоо өсөн дэвжих бөгөөд түүнийг хатан хаан болсны дараа олон хүн түүний эсрэг хуйвалдаан зохион байгуулж байгааг олж мэдэх болно. Ордны амьдрал адармаатай, туйлын өрсөлдөөнтэй, санаанд оромгүй явдлуудаар дүүрэн байх болно.

Ruyi's Royal Love in the Palace цуврал нь 2018 оны Хятадын телевизийн хамгийн алдартай олон ангит кинонуудын нэг юм. Уг цувралын нэг анги 1.95 сая америк доллароор бүтсэн бөгөөд хамгийн өндөр зардлаар бүтсэн хятад цувралуудын нэгд зүй ёсоор тооцогддог аж.

Dr. Tang (7.7)

Жанр: Романс, драма

 

Зүрхний мэс заслаар мэргэшсэн залуухан эмч Тан (Dr. Tang) гадаадад олон жил ажилласан бөгөөд Лю докторын урилгаар эх орондоо ирэх болно. Тэрбээр Хятадын нэр хүндтэй, томоохон эмнэлгийн “Зүрхний төв”-д эрхлэгчээр орох бөгөөд үүнд бусад эмч нарын дургүйцэл төрж элдэв цуу яриа гарч эхэлнэ. Эмэгтэй хүний удирдлага дор ажиллах болсон 4 эрэгтэй эмч бүгдээрээ шинэ эрхлэгчтэй хамт ажиллахаас татгалзаж өргөдлөө өгдөг. Бусдын атаархлыг төрүүлж, хэл ам дагуулсан Тан эмч эдгээр бэрхшээл, саад тотгорыг хэрхэн давж салбартаа хүлээн зөвшөөрөгдөхийг сонирхолтойгоор харуулдаг.

Та Юнивишнийн Хятад кино багцын дэлгэрэнгүй мэдээллийг ЭНД дарж авна уу.