Цахим хөгжил, харилцаа холбооны дэд сайд Б.Болор-Эрдэнийг чөлөөлжээ
Засгийн газрын хуралдаанаас зарим албан тушаалтныг чөлөөлөх шийдвэр гаргажээ.
Тодруулбал Цахим хөгжил, харилцаа холбооны дэд сайд Б.Болор-Эрдэнийг өөрийнх нь хүсэлтээр чөлөөлсөн байна. Түүний оронд томилох сайдын асуудал одоогоор яригдаагүйг ЗГХЭГ-ын дарга хэлэв.
Тэрбээр Харилцаа холбоо, мэдээллийн технологийн газрын даргаар ажиллаж байх үедээ оролцсон олон улсын хурлын үеэр төрийн албан хаагчидтай холбоотой илэрхийлсэн байр суурь олон нийтийн шүүмжлэл дагуулсан тул чөлөөлөгдөх хүсэлт өгч байгаагаа мэдэгдсэн билээ.
Засгийн газраас 2022 оны наймдугаар сарын 31-ний өдөр түүнийг Цахим хөгжил, харилцаа холбооны дэд сайдаар томилж байв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
